धनकुटा नगरपालिका वडा नं १ विश्कर्मा टोल कोरोनामुक्त भएको घोषणा
धनकुटा । धनकुटा नगरपालिका वडा नं १ विश्कर्मा टोलका कोरोना संक्रमित कोरोना मुक्त भए पछि आज कोरोना मुक्त भएको घोषणा गरिएको छ ।
वडा नं १ को विस्कर्मा टोलमा ३२ जना कोरोना संक्रमित पूर्णरुपमा कोरोनाबाट निको भएपछि एक कार्यक्रमका बिच नगर प्रमुख चिन्तन तामाङ र वडा अध्यक्ष निरन तामाङले कोरोना मुक्त घोषणा गिरएको टोलविकास समितिका अध्यक्ष तथा नेकपा एमाले धनकुटाका जिल्ला सदस्य मान बहादुर विस्कर्माले जानकारी दिनु भयो ।
संक्रमित सबै होम आईसोलेसनमा बसेका थिए । उनिहरुको पिसिआर टेस्टमा सबैको नेगेटिभ देखाएपछि , टोलमा उत्पादन गरिएको साग सब्जि खसी बोका बंगुर विक्रि गर्न समेत गाह्रो भए पछि कोरोना मुक्त घोषना गिरएको विकले बताउनु भयो ।
साथै उहाले कोरोना संक्रमितहरूकालागि नगर , वडा तथा प्रदेश सांसद निरन राईले विभिन्न स्वास्थ सामग्री सहयोग गरेको बताउनु भयो । टोलैमा कोरोना संक्रमण फैलिदा नियन्त्रणका लागि स्थानीय सरकार र नेकपा एमाले पार्टीको सहयोगले मात्र सम्भव भएको बताउनुभयो ।
