जनताले दु:ख पाईरहेको वेला सरकार सत्ता टिकाउने खेलमा मात्र लाग्नु नेपालीको लागि दूर्भाग्य : नेपाली काग्रेस धनकुटा
असार ६,धनकुटा । लगातरको बर्षाको कारण हुन सक्ने जेखिम प्रती उच्च सर्तकता अपनाउदै सुरक्षित रहन नेपाली कांग्रेस धनकुटाले सम्पूर्णलाई अपिल गरेको छ ।
आज उस्ले विज्ञप्ति प्रकाशित गर्दै जिल्लावासी सहित सम्पूर्णलाई वर्षातका कारण हुन सक्ने सम्भवित जोखिमबाट शर्तक रहन अपील गरेको हो ।
विगत केही दिनदेखि परेको अविरल वर्षाको कारण सिन्धुपाल्चोक जिल्लाको मेलम्ची लगायत देशका विभिन्न जिल्लामा ठूलो मात्रामा जनधनको क्षती भैरहेकोले उचित क्षतीपूर्ति दिन सेमत सरकार समक्ष जोडदार माग गरिएको छ ।
पार्टीका जिल्ला सभापती अग्नि प्रसाद पौडेल र सचिव विजय सन्तोषी राईद्धारा हस्ताक्षरित विज्ञप्तिमा वर्षातका कारण आएको बाढी,पहिरो,डुवान, कटान जस्ता प्राकृतिक प्रकोपका कारण देशभर जनताले दु ख पाईरहेको र जनधनको क्षती भईरहेको प्रति सरकार उदाशिन बन्दै सरकार टिकाउने खेलमा मात्र व्यस्त रहनु नेपालीको लागि ठूलो दुर्भाग्य भएको उल्लेख छ ।
“हामी यस विषयमा सरकारको गम्भिर ध्यानर्कषण गराउदै वर्षा लगायत प्राकृतिक प्रकोपका कारण पीडित भएकाहरुलाई तत्काल राहत उपलब्ध गराउन र घर-वार विहिन भएकाहरुलाई उचित व्यवस्थापन गर्न समेत नेपाली कांग्रेस धनकुटा जोडदार माग गर्दछ” विज्ञप्तिमा भनिएको छ ।
“सिन्धुपाल्चोक जिल्लाको मेलम्भी ,हेलम्बु,पाँचपोखरी, मनाङ्ग सदरमुकाम चामे, स्याङ्जाको सेतीवेणी,पर्वत, मुस्ताङ, कास्की, गोरखा,म्याग्दी ,बागलुङ्ग ,चितवन , नवलपुर लगायत देशका अधिकांश भागहरुमा बाढी, पहिरो, डुवान र कटान जस्ता प्राकृतिक प्रकोपले ठूलो मात्रामा जनधनको क्षति हुन पुगेको छ। भने इन्द्रावती र मेलम्ची जोड्ने मोटरेवल पुल सहित दर्जनौं झोलुङ्गे पुल र घरहरु वगाएको छ । पहिरोका कारण राजमार्गहरु अवरुद्ध छन् ।
मौसमविदहरुको पूर्वानुमान अनुसार जोखिम न्यूनीकरण र रोकथामका लागि सरकारले आवश्यक गृहकार्य नगरेको कारण यो वर्ष ठूलो जनधनको क्षती व्यहोर्नु पर्ने देखिन्छ” जारी विज्ञप्तिमा उल्लेख छ । साथै वाढी पहिरोवाट ज्यान गुमाएका प्रति श्रद्धाञ्जली अर्पण गर्दै परिवारलाई उचित क्षतिपुर्तीको व्यवस्था गर्न, वेपत्ता व्यक्तीहरुको खोजी र घाइतेहरुको नि:शुल्क स्वास्थ्य उपचारको व्यवस्था सरकारले तत्काल मिलााउनु पर्नेमा सचिव राईले जोड दिनुभएको ।
विपदमा परेका पीडित परिवारको उद्दार तथा राहत कार्यमा जुट्न र यस्त कार्यलई प्रभावकारी वनाउन आवश्यक पहलकदमी लिन पार्टीका सम्पुर्ण तह, तप्काका नेता, कार्यकर्ता एवम् भातृ ,शुभेच्छुक संघ-संस्थालाई नेपाली कांग्रेस धनकुटाले अपिल गरेको छ ।
