धनकुटामा सेना र जनस्वास्थ्य कार्यालयको गाडी यसरी ठोक्कियो
धनकुटा,असार १३ । धनकुटाको धनकुटा नगरपालिका ९ च्याङच्याङबारी नजिक कोशीलोक मार्गमा सवारी दु’र्घटना भएको छ ।
धनकुटा बाट ईटहरी तर्फ जाँदै गरेको श्री न २ वाहिनी अड्डा हिले धनकुटाको प्र ३-०१-००१ ग ३७१९ नं को ट्रक र विपरीत दिशा बाट आउँदै गरेको जिल्ला जनस्वास्थ्य कार्यालय धनकुटाको बा १ झ ८७१२ नं को जिप आपसमा ठक्कर खादा श्री नं २ वाहिनी अड्डा हिलेको ट्रक अन्दाजी ३० मिटर तल खसेको जिल्ला प्रहरी कार्यालय धनकुटाका एसपी गोविन्द अधिकारीले जानकारी दिनुभयो ।
दु’र्घटनामा परी नेपाली सेनाका धनकुटा चौविसे गाउँपालिका ४ बस्ने ४१ वर्षका जम्दार बल बहादुर लिम्बु, ट्रकचालक मोरङ कानेपोखरी नगरपालिका बस्ने ३५ वर्षका अम अर्जुन पौडेल, धनकुटा नगरपालिका १ बस्ने वर्ष ३६ का बन्दवस्ती कार्य सिपाही विमल कट्टेल ,रामेछाप धनपा ११ बस्ने ४१ वर्षका बन्दवस्ती कार्य सिपाही पुस्कर परीयार, धनकुटा पानपा ८ बस्ने ३२ वर्ष का बन्दवस्ती कार्य सिपाही राज कुमार राई घा’इते भएका छन् ।
उनिहरुलाई उपचारका लागि ईटहरी आर्मी अस्पताल लगिएको प्रहरीले जनाएको छ । त्यस्तै बा १ झ ८७१२ जनस्वस्थ कार्यालय धनकुटाको जिप चालक सोलुखुम्बु नेल ४ बस्ने बर्ष ३२ को शिव बहादुर खड्का सामान्य घाईते भएको र उहाको जिल्ला अस्पताल धनकुटामा उपचार भईरहेको प्रहरीले जनाएको छ ।
