धनकुटाको निषेधाज्ञामा परिमार्जन,जिल्ला प्रशासन कार्यालय धनकुटाबाट जारी गरियो यस्तो आदेश
धनकुटा,३१ भदौ । कोरोना संक्रमण जोखिमको समयमा जिल्ला प्रशासनले गर्दै आएको निशेधाज्ञालाई परिमार्जन गरेको छ ।
आज आदेश जारी गर्दै जिल्ला प्रशासन कार्यालय धनकुटाले भौतिक उपस्थितीमा विद्यालय संचालन गर्नु पर्ने भए नेपाल सरकारले तोकेका स्वाथ्य मापदण्डको पूर्ण पालना गर्दै भौतिक उपस्थितीमा कक्षा संचालन गर्न भनेको छ ।
धनकुटाका प्रमुख जिल्ला अधिकारी कृष्ण प्रसाद पन्थले जारी गरेको आदेशमा यस्तो जनाइएको छ । सभा जलुस, दर्शक जम्मा भएर खेलाईने खेल भोज भतेर लगायत भने गर्न नपाइने भएको छ ।
त्रिभुवन विश्वविद्यालय, लोक सेवा आयोग लगायत संस्थाले गर्ने परिक्षा संचालन गर्न भनिएको छ । त्यस्तै चलचित्र हल लाई दर्शक क्षमताको आदी सिटमा राखेर संचालन गर्न प्रसाशनले भनेको छ ।
