नक्कली नोट कारोबारमा संग्लग्न पक्राउ
धनकुटा । नक्कली नोटको कारोबारमा संलग्न भएको आरोपमा तीन युवालाई प्रहरीले धनकुटाबाट पक्राउ गरेको छ ।
गएराती ९ बजेतिर धनकुटा नगरपालिका वडा नं ९ मुलघाटमा चेकजाँचको क्रममा धनकुटा १ हिलेका एक युवकलाई १ हजार दरका २८ हजार नक्कली नोट सहित पक्राउ गरेको हो ।
प्रहरी चेकजाँचको क्रममा ती युवकले नक्कली नोट अर्को गोजीमा हाल्न खोज्दा प्रहरीले सबै नोट चेक गरेको र सोही क्रममा नक्कली नोट फेला पारेको प्रहरीले जनाएको छ ।
ती युवालार्ई पक्राउ गरेपछि अनुसन्धान गर्दा उनको घरबाट ६५ हजार र अर्का युवकको घरबाट ५ हजार नक्कली नोट फेला परेको प्रहरीले जनाएको छ ।
उनिहरुकै वयानको आधारमा अर्का युवक पनि पक्राउ परेका छन् । पक्राउ परेका युवाहरुको पहिचान खुलाएको छैन ।
पक्राउ परेका सबै जना अहिले जिल्ला प्रहरी कार्यलय धनकुटाको अनुसन्धानमा रहेको प्रहरीले जनाएको छ ।
