कांग्रेसको १४ औं महाधिवेशनले गर्दा धनकुटा सदरमुकाममा बढ्यो चहलपहल
धनकुटा,६ मंसिर । नेपाली कांग्रेसको १४ औं महाधिवेशनले गर्दा धनकुटा सदरमुकाममा चहलपहल बढेको छ । नेपाली कांग्रेसका १४ औं महाधिवेशनमा भाग लिन गाउँ गाउँ बाट प्रतिनिधीहरु आए संगै बजारमा चहलपहल बढेको हो ।
महाधिवेशनमा भाग लिनका लागि लागि नेपाली कांग्रसेसका प्रदेश सभा क र ख का करिब १ हजार १ सय प्रतिनिधी धनकृटा आएका हुन् । प्रतिनिधी संगै अन्य नता कार्यकर्ता समेत महाधिवेशन लाई सफल बनाउन आएका छन् ।
नेपाली कांग्रेसको १४ औं महाधिवेशनले अन्र्तगत हिजो प्रदेश सभा क को अधिवेशन सम्पन्न भएको छ भने जिल्ला अधिवेशन आज धनकुटा नगरपालिकाको सामुदायीक भवनमा हुदै छ ।
जाजरकोटमा महको उत्पादन घट्यो
जाजरकोट, ६ मङ्सिर (रासस)ः नलगाड नगरपालिका– १ कलपतका रामबहादुर बुढाले गतवर्ष ३५० धार्नी मह बिक्रीबाट चार लाख ५० हजार आम्दानी गर्नुभएको थियो । यसवर्ष ५० धार्नी पनि मह उत्पादन नभएकाले उहाँ अहिले निराश हुनुभएको छ ।
सोही ठाउँका कालीबहादुर पुनको पनि ६० घार मौरीले यो वर्ष १० धार्नी मह पनि उत्पादन गर्न सकेन । व्यावसायिक रुपमा मौरीपालन गर्दै आउनुभएका उहाँ आम्दानी घटेपछि अहिले निराश हुनुहुन्छ । बुढा र पुन उदाहरणका पात्र हुनुहुन्छ । अहिले जिल्लाका ३५० भन्दा बढी किसानको समस्या उस्तै छ । व्यावसायिक रुपमा मौरीपालन गर्दै आएका किसान मह उत्पादन घटेको बताउछन् । गत असोज कात्तिक महिनामा भएको बढी वर्षाले चिउरीलगायत अन्य फूलको रस बगाउदा जिल्लाभर मह उत्पादन घटेको भेरी नगरपालिका कृषि शाखा प्रमुख यज्ञ अधिकारीले बताउनुभयो ।
मौरीलाई चरन क्षेत्रको अभाव, वन विनाश, अतिक्रमण, जलवायु परिवर्तनलगायत कारण मह उत्पादन घट्दै गएको उहाँको भनाइ थियोे । विभिन्न रोगले मौरी मर्नु, किसानलाई प्राविधिक ज्ञानको कमी हुनु, आहारा नपाएर मौरी भाग्नुलगायत समस्या पनि अर्को कारण हो ।गतवर्ष प्रतिधार्नी एक हजार ५०० मूल्य पर्ने मह यो वर्ष दुई हजार ५०० देखि तीन हजार पुगेको छ । उत्पादन घट्दा मूल्य वृद्धि भएको हो । मह उत्पादनका लागि पकेट क्षेत्र मानिएको क्षेत्रका किसान यो वर्ष निराश भएका छन् ।
