सहकारी सम्वन्धि दुई दिने आधारभुत अभिमुखिकरण आजदेखि शूरु
धनकुटा । धनकुटाको सहिदभुमि गाउपालिकामा सहकारी सम्वन्धि दुई दिने आधारभुत अभिमुखिकरण आजदेखि शूरु भएको छ । अभिमुखिकरणको गाउपालिका अध्यक्ष मनोज राईले उदघाटन गर्नुभएको हो ।
गाउपालिकाद्धारा आयोजित अभिमुखिकरणमा गाउपालिकाको सात वटै वडाका विभिन्न सहकारी संस्थाका २० जना सदस्यहरूले सहभागिता जनाएका छन् । कार्यक्रमको सहजिकरण गाउपालिकाको रोजगार संयोजक तथा सहकारी विभाग प्रमुख सीता पौडेल गरिरहनु भएको छ ।
अभिमुखिकरणमा सहाभागिहरूलाई सहकारीको मुल्यमान्यता, संस्थापन कार्यविधि ,सहकारी सुशासन अवस्था, सहकारी क्षेत्रका राज्य संयन्त्रहरू सँगको छलफल लगायत विषयमा प्रशिक्षण दिने सहजकर्ता रोजगार संयाजक तथा सहकारी विभाग प्रमुख पौडेलले बताउनुभयो ।
कार्यक्रममा गाउपालिकाको प्रमुख प्रशासकिय अधिकृत राजकुमार शाक्य , लगायत कर्मचारीहरूको उपस्थित थियो ।
