धनकुटाका धावक डेविडले काठमाडौँको दशरथ रंगशाला देखि धनकुटा सम्मको दौड यसरी गरे पुरा
धनकुटा,५ चैत । धनकुटाका धावक देविन्द्र खेवा लिम्बु डेविडले काठमाडौँको दशरथ रंगशाला देखि धनकुटाको तल्लो टुडिखेल सम्म एकल म्याराथन दौड पुरा गरेका छन् ।
यही फागुन ३० गते देखि सुरु गरेर आज चैत ५ गतेमा दौड पुरा गरेका हुन् । “स्वाथ्यका लागि दौड र राष्ट्रका लागि खेलकुद ” भन्ने नाराका साथ युवाहरु लाई स्वाथ्यका लागि सचेत गराउनका साथै खेलकुद प्रति आकर्षण गराउन र धनकुटा सहित प्रदेश न १ लाई खेलकुदको माध्यम बाट राष्ट्रिय तथा अन्र्तराष्ट्रिय स्तर सम्म चिनाउनका लागि म्याथुन दौड गरेको उनको भनाई थियो ।
उनलाई धनकुटाको तल्लो टुडिखेलमा धनकुटा नगरपालिकाका प्रमुख चिन्तन तामाग, धनकुटा जिल्ला एथ्लेटिकस संघका अध्यक्ष किरण प्रदान लगायतले स्वागत गर्नु भएको थियो ।
उनि संग दमकका मेघराज राईले समेत दौडिएका थिए तर मेघराज दशरथ रङगशालाबाट कोटेश्वर, सिन्धुली, बर्दिबासको रुट हुँदै ईटहरीसम्म सँगै आएर मेघराज दमक र डेविड धनकुटातर्फ लाग्नेका थिए ।
धनकुटा वडा न ७ निवासी देबिन्द्र खेवा लिम्बुले काठमाडौं टु धनकुटा करिब ४७५ किलोमिटर दौडिएका छन् ।
