तमरमा सञ्चालित रिभर गाईड प्राविधिक सम्बन्धि पन्ध्र दिने तालिम सम्पन्न
धनकुटा । जिविकोपार्जन पुर्नरुत्थानका लागि दिगो पर्यटन परियोजना नाराका साथ तमरमा सञ्चालित रिभर गाईड प्राविधिक सम्बन्धि पन्ध्र दिने तालिम आज सम्पन्न भएको छ ।
नेपाल एशोसिएशन अफ ¥याफटीङ्ग एजेन्सिको (नारा) को आयोजना,नेपाल पर्याटन बोर्ड र युएनडिपिको सहयोग तथा तमर रिभर एडभान्चर ¥याफटीङ्ग र रिभर साईड रेसोर्ट एण्ड रिभर पार्कको संयोजनमा भएको तालिमको धनकुटा नगरपालिका वडा नं ९ मुलघाट स्थित रिभर साईड रेसोर्ट एण्ड रिभर पार्कमा एक कार्यक्रमको आयेजना गरि समापन गरिएको हो ।
कार्यक्रममा धनकुटा नगरपालिकाका प्रमुख चिन्तन तामाङ्गले अहिलेको २१ औ शताब्दीमा पर्यटन क्षेत्र मुलुक र समाजको विकासका लागि एक महत्वपुर्ण रहेकाको बताउनुभयो । त्यसैले यो क्षेत्रलाई सबैले महत्वका साथ लिनु पर्ने र यो क्षेत्रलाई नगरपालिकाले पनि सहयोग गर्ने बताउनु भयो ।
नाराका अध्यक्ष गङ्गा प्रसाद नेपालको अध्यक्षतामा भएको कार्यक्रममा सहयोगी सस्था युएनडिपिका प्रतिनिधी ज्ञानेश्वर महतो, नेपाल पर्याटन बोर्डका प्रतिनीधि, प्रमुख प्रशिक्षक रेवती उपाध्याय, प्रशिक्षकहरु ईन्द्र राई, हरी आले र माईली मगर, पत्रकार सन्जय सन्तोषी राईले मन्तव्य राखेका थिए ।
कार्यक्रममा प्रशिक्षार्थीहरु बल बहादुर माझी र सुवास क्षेत्रीले आफनो लागि तालिम ज्यादै उपयोगी भएको र आगामी दिनमा यो भन्दा स्तरिय तालिमको अवसर पाउने अपेक्षा रहेको बताएका थिए । साथै उनिहरुले रोजगारीको अवसर खासै नभएको अवस्थामा नगरपालिका तथा पर्यटनबोर्ड समक्ष रोजगारीको अवसर निमार्ण गरि दिन समेत अनुरोध गरेका थिए ।
तमर रिभर एडभान्चर ¥याफटीङ्गका प्रोपराईटर ढकाल, पत्रकार राई र प्रशिक्षक रेवती उपाध्याय लगायतकाले प्राकृतिक तमर नदि लाई सफा र स्वाच्छ राखी संरक्षण गरेर विकास र आय स्रोतको रुपमा लिनु पर्ने पर्ने बताएका थिए ।
तालिममा धनकुटाको भैसेटार, फलामेटार, सदामटार, कुसेटार, मुलघाट, छिम्सुवा, साप्तीङ्गटार, सफाईटार, घङ्गघरी र त्रिबेणी क्षेत्रका अल्पसंख्यक जाती माझी सहित २५ जनाको सहभागीता रहेको तालिममा बिशेष गरि पौडी बाजहरुलाई मात्र समावश गरिएको थियो ।
