नयाँ बर्षमा धनकुटाका विभिन्न स्थानमा आन्तरिक पर्यटकको चहल पहल
धनकुटा,१ बैशाख । नयाँ बर्षको दिन धनकुटाका विभिन्न स्थानमा आन्तरिक पर्यटकको चहल पहल देखिएको छ ।
आजबाट विक्रम संवत् अनुसार २०७९ साल सुरु भएको र नया बर्षको अवसरमा हर्षोल्लासका साथ एक आपसमा शुभकामना आदानप्रदान गर्नका साथै रमाइलो गर्नेहरुका कारण धनकुटाका विभिन्न स्थानमा रहेका पर्यतकीय क्षेत्रहरुमा चहल पहल बढेको हो ।
नयाँ वर्षमा सफलता मिल्ने शुभकामना एक अर्कामा व्यक्तै गर्दै , भेटघाट गर्दै आज नयाँ वर्ष विशेष पर्वको रुपमा मनाइने गरिन्छ ।सफलता प्राप्त गर्न आजका दिन योजना निर्माण एवम् संकल्प गर्ने परम्परा समेत रहेको छ ।
आजको दिन नयाँ कामको थालनी गर्ने परम्परा पनि रहेको छ । नयाँ वर्षको पहिलो दिन राम्रो सुरुआत भए वर्षभर सफलता मिल्ने जनविश्वास रहेको छ ।
