निर्वाचनका दिन धनकुटामा अत्यावश्यक सेवा बाहेकका सवारी साधन बन्द हुने
धनकुटा,२६ बैशाख । जिल्ला प्रशासन कार्यालय धनकुटाले आसन्न स्थानीय तह निर्वाचनको दिन बैशाख ३० गते लाई मध्य नजर गर्दै बैशाख २९ गते राति १२ बजेदेखि ३० गते मतदान कार्य सम्पन्न नहुञ्जेलसम्म एम्बुलेन्स, खानेपानी ट्याङ्कर, दमकल, दूरसञ्चार सेवारशव बाहन, अस्पताल सेवा तथा विद्युत् सेवा जस्ता अत्यावश्यक सेवा बाहेकका सावरी साधन बन्द हुने जनाएको छ ।
धनकुटाका प्रमुख जिल्ला अधिकारी यूवराज कट्टेलद्धरा हस्ताक्षरित सुचनामा यस्तो उल्लेख गरिएको छ ।
अन्य जिल्ला प्रशासन कार्यलयले नम्बर प्लेटमा सिडी उल्लेख भएको कूटनीतिक नियोगको सवारी साधन र अनुमति प्राप्त सवारी साधन सञ्चालन गर्ने पाइने बताए पनि धनकुटामा भने त्यस्ता सवारी साधन गर्न पाईने वा नपाइने भन्ने कुरा सुचनामा उल्लेख गरिएको छैन् ।
‘सिटीसी मल’ लिलामी गर्न कोषले निकाल्यो सूचना
काठमाडौँ, २६ वैशाख (रासस) ः कर्मचारी सञ्चय कोषले बैंकिङ कसूर गरेको अभियोगमा थुनामा इच्छाराज तामाङलगायतको लगानी रहेको काठमाडौँको सुन्धारास्थित ‘सिटिसी मल’ लिलामी हुने भएको छ ।
कोषले आज एक सूचना प्रकाशित गरी १३२ वटा पसल तथा कबल रहेको सो मल लिलामीका लागि सूचना प्रकाशित गरेको हो । उद्योग विभागमा २०६४ असोज ९ मा दर्ता भएको सिभिल इस्टेट्रस प्रालिले कोषको ऋणको साँवा तथा ब्याज भुक्तानी नगरेको पाइएको छ ।
काठमाडौँ महानगरपालिका ११ सुन्धारामा रहेको छ रोपनी जग्गामा निर्माण भएको ८२ हजार ९५ वर्गफिट बराबरको पसल कबल लिलामीका लागि सूचना प्रकाशित गरिएको हो । कोषले ३५ दिने सूचना प्रकाशित गरी इच्छुक बोलपत्रदातालाई आवेदन दिन आग्रह गरेको हो ।
कोषले कर्जा लिने ऋणीले म्यादभित्र कर्जा चुक्ता नगरी ऋण सम्झौतामा उल्लेख भएका शर्त तथा अवस्था उल्लङ्घन गरेको पाइएकाले लिलामीको सूचनामा स्पष्ट पारिएको छ । पसल तथा कबलको विस्तृत जानकारी कोषमा सम्पर्क राखी प्राप्त गर्ने सकिनेछ ।
बोलपत्रदाताले आफूले कबोल गरेको रकमको कम्तीमा १० प्रतिशतले हुन आउने रकम धरौटीबापतको रकम नेपाल इन्भेस्टमेन्ट बैंक पुल्चोकमा रहेको कोषको चल्ती खातामा जम्मा गर्न आग्रह गरिएको छ । कोषको सञ्चालकमा तामाङसहित केशवलाल श्रेष्ठ र प्रवीण मुखिया हुनुुहुन्छ । कोषको ऋण लिँदा व्यक्तिगत जमानीका रुपमा लालकाजी गुरुङ, रामकृष्ण पौडेल, हरिहरप्रसाद लामिछाने, प्रवीणप्रसाद प्रधान र सुमननन्दन वैद्य हुनुहुन्छ ।
