चौबिसेमा एमालेको शक्ति प्रदर्शन
नारायण कुमार राई/धनकुटा,२७ बैसाख । आसन्न स्थानीय चुनावलाई लक्षित गरेर चौबिसे गाउँपालिकाको राजारानी बजारमा नेकपा एमालेले आफ्नो शक्ति प्रदर्शन गरेको छ ।
नेकपा एमाले चौबिसे गाउँकमिटीको आयोजनामा सम्पन्न ¥यालीमा चौबिसे क्षेत्रका हजारौ एमाले समर्थकहरुको उपस्थिति रहेको थियो ।
¥याली पछि गाउँकमिटी अध्यक्ष केशर लिम्बूको अध्यक्षतामा आयोजित आमसभालाई एमालेका केन्द्रिय सदस्य तथा प्रतिनीधि सभा सदस्य राजेन्द्र कुमार राई,पूर्व संबिधान सभा सदस्य टिकाराम चेम्जोङ्ग लगाएत जिल्लाका नेताहरुले सम्बोधन गरेका थिए ।
नेताहरुले चौबिसेमा आफ्नो सुनिश्चत भईसहेको दावी गर्दै २० दलकै गठबन्धन भएपनि त्यसको बिरुद्ध एमाले एक्लै काफी भएको बताए ।
चौबिसे क्षेत्रमा पर्ने भारत चीन जोड्ने तमोर करिडोर र भेडेटार हुँदै पाँचथर जाने कालोपत्रे सडक जस्ता ठूला आयोजनाहरु एमालेको सरकारकै पालामा भएकाले पनि जनताहरु एमालेको पक्षमा रहेको नेताहरुको भनाई छ ।
सभामा एमालेका तर्फबाट अध्यक्षका उमेद्वार राजकुमार चेम्जोङ्ग र उपाध्यक्षका उमेद्वार टंकमायाँ मगरले आफूहरु बिजयी भएपछि पाटीको निर्देशन र जनताहरुको चाहाना अनुसार काम गर्ने प्रतिवद्धता जनाएका थिए ।
