धनकुटा नगरपालिका अपडेट : प्रमुखमा गठबन्धनबाट कांग्रेसका राईले लिए ११७ मतको अग्रता ,उपप्रमुखमा एमालेको अग्रता कायमै
धनकुटा । धनकुटा जिल्लाको धनकुटा नगरपालिकाको पछिल्लो मत परिणाम सार्वजनिक गरिएको छ ।
जस अनुसार नगर प्रमुख पदमा गठबन्धनबाट कांग्रेसका दिनेश राईले ७ हजार १ सय ६३ मत प्राप्त गर्दै अग्रता कायमै राखेका छन् भने नेकपा एमालेका चिन्तन तामांगले ७ हजार ४६ मत ल्याएका छन् ।
त्यसैगरि उपप्रमुख पदमा एमालेका भिमादेवी खनाल(शान्ता) ले ६ हजार ६ सय ४६ मत प्राप्त गरेर गरेका छन् भने गठबन्धनबाट नेकपा माओवादीका गणेश बहादुर बिष्टले ६ हजार १ सय ८२ मत ल्याएका छन् ।
रावाबेँसी अध्यक्षमा कांग्रेस र उपाध्यक्षमा एमाले
खोटाङ, ३ जेठ । खोटाङको रावाबेँसी गाउँपालिकामा अध्यक्षमा कांग्रेस र उपाध्यक्षामा एमालेका उम्मेदवार विजयी भएको छ । अध्यक्षमा कांग्रेसका फटिककुमार श्रेष्ठ र उपाध्यक्षमा एमालेकी कौशिलाकुमारी गुरुङ विजयी भएका हुन् ।
एमालेका हरिकुमार पोखरेलभन्दा १८६ बढी मत ल्याएर श्रेष्ठ गाउँपालिका अध्यक्षमा विजयी भएको निर्वाचन अधिकृतको कार्यालयले जनाएको छ ।
उपाध्यक्षमा विजयी गुरुङले २२५७ मत पाएकी छन् । उपाध्यक्षका निकटतम प्रतिस्पर्धी माओवादी केन्द्रका लिलानारायण श्रेष्ठले २१२० मत पाएका छन् । रावाबेँसीमा कांग्रेस र माओवादी केन्द्रको मात्र गठबन्धन थियो ।
