जिल्ला प्रशासन कार्यालय धनकुटाको वेव साइटमा अझै पुरानै जनप्रतिनिधीको विवरण
धनकुटा,१४ जेठ । स्थानिय तहको निर्वाचन सम्पन्न भई धनकुटामा कोही नयाँ तथा कोही पुरानै जनप्रतिनिधी पुन: निर्वाचित भई कार्यभार समेत सम्हाली सके पनि जिल्ला प्रशासन कार्यालय धनकुटाले भने आफ्नो आधिकारिक वेव साइटमा पुरानै जनप्रतिनिधीहरुको स्थानियतहको नाम, पद, पार्टीको नाम, प्रतिनिधीको नाम र सम्पर्क नम्वर सहितको विवरण दिउँसो यो समाचार तयार गर्दा सम्म राखि रहेको छ ।
यसरी स्थानियतहको नाम, पद, पार्टीको नाम, प्रतिनिधीको नाम र सम्पर्क नम्वर राखिएका प्रतिनिधी भने २०७४ सालको निर्वाचन बाट निर्वाचित भएका प्रतिनिधीहरु नै रहेका छन् ।
स्थानीय तह निर्वाचन : ३८५ स्वतन्त्र उम्मेदवार निर्वाचित
काठमाडौँ, १४ जेठ (रासस) :स्थानीय तहको निर्वाचनमा हालसम्म ३८५ जना स्वतन्त्र उम्मेदवार निर्वाचित भएका छन् । निर्वाचन आयोगका अनुसार स्थानीय तहको निर्वाचनमा २४ राजनीतिक दल सहभागी हुँदा स्वतन्त्र उम्मेदवार २६६ पुरुष र ११९ महिला निर्वाचित भएका हुन् ।
निर्वाचन आयोगका अनुसार स्वतन्त्र उम्मेदवारमध्ये नगरपालिका प्रमुखमा सात र गाउँपालिका अध्यक्षमा छ जना निर्वाचित हुनुभएको छ । काठमाडौँ महानगरपालिकासहित धरान उपमहानगरपालिका, धनगढी उपमहानगरपालिका र जनकपुर उपमहानगरको प्रमुख पदमा स्वतन्त्र उम्मेदवार निर्वाचित हुनुभएको छ ।
काठमाडौँ महानगरमा स्वतन्त्र उम्मेदवार बालेन्द्र साहले ६१ हजार ७६७ मत प्राप्त गरी निर्वाचित हुनुभएको छ । काठमाडौँमा पहिलो पटक स्वतन्त्र उम्मेदवार निर्वाचित हुनुभएको हो ।
जनकपुरमा स्वतन्त्र उम्मेदवार मनोजकुमार साहसुडीले १३ हजार ४६५, धरान उपमहानगरमा हर्कराज राईले २० हजार ८२१, धनगढी उपमहानगरमा गोपाल हमालले २६ हजार ८६५ मतसहित प्रमुखमा विजयी हुनुभएको छ ।
स्वतन्त्र उम्मेदवार उपप्रमुख दुई र उपाध्यक्ष दुई निर्वाचित हुनुभएको हो । स्वतन्त्र वडाध्यक्ष १३६ निर्वाचित हुनुभएको छ । तीमध्ये १३३ पुरुष र तीन महिला हुनुहुन्छ । महिला सदस्यमा ६०, दलित महिला सदस्य ५५, पुरुष सदस्य ११७ निर्वाचित हुनुभएको छ ।
