५१ सदस्यीय अखिल नेपाल महिला यूवा समिति गठन
नारायण कुमार राई /साउन १५,धनकुटा । नेकपा एमाले निकट अखिल नेपाल महिला संघले ५१ सदस्यीय अखिल नेपाल महिला युवा संघ प्रदेश समिति गठन गरेको छ ।
संघको धनकुटा भएको प्रथम प्रदेश भेलाले सुभेक्षा सापकोटाको अध्यक्षतामा १८ देखि ३० बर्ष उमेर समुहका युवा महिलाहरुलाई समेटेर समिति गठन गरेको हो ।
प्रदेशका संयोजक मेनुका काफ्लेको अध्यक्षतामा शनिबार र आइतबार धनकुटामा सम्पन्न भेलापछि पत्रकार सम्मेलन आयोजना गरी नयाँ समितिका बिषयमा जानकारी दिएको छ ।
संघको उपाध्यक्षमा कविता बान्तवा राई, सचिवमा दुर्गा गौतम, उपसचिव सिता बराल, मनिता पौडेल र कोषाध्यक्षमा सुशिला तामाङ चयन हुनुभएको छ ।
भेलाले मुल्यवृद्धि नियन्त्रण, सर्वस्वीकार्य रुपमा प्रदेशको नामाकरण, नागरिकता विद्येयक फिर्ता, यौनजन्य हिंसा नियन्त्रण, साइबर अपराध रोकथाम लगायतको माग राख्दै घोषणापत्र जारी गरिएको छ ।
भेलामा एमालेमा आवद्ध प्रदेश १ भरिका महिला तथा धनकुका महिला सभासद्,स्थानिय निकायका नि.वर्तमान तथा वर्तमान उपाध्यक्ष महिलाहरुको सहभागिता रहेको थियो ।
कार्यक्रममा प्रमुख अतिथि नेकपा एमाले पोलिट्ब्युरो सदस्य एवं अनेम संघ केन्द्रिय आयोजक कमिटी सचिव सुजिता साक्यले महिलाहरुलाई प्रशिक्षण दिनुभएको थियो ।
