धनकुटाका किसानलाई बाली जोगाउन समस्या
विकास घिमिरे/धनकुटा, २२ साउन । जंगली जनावरले खेतबारीमा लगाएको बाली सखाप पार्न थालेपछि धनकुटा जिल्लाका किसानलाई बाली जोगाउन समस्या भएको बताउँन थालेका छन् ।
कृषकहरुले आफूले खेती गरेको क्षेत्रमा दिन रात जंगलली जनावरले दु:ख दिदाँ लगाएको बाली जोगाउँन मुस्किल पर्ने बताएका हुन् । जनावरको ज्यादती खपि नसक्नु भयो, दिनमा जसोतसो जनावर धपाइन्छ राती आएर वालि सखाप पार्ने संग ज्यादै समस्या भयो धनकुटाको छथरजोरपाटीका कृषक मनीकुमार लिम्बुले बताउनु भयो । उनले भने आखा झिम्काउन पाइदैन, तस्करले घेरीहाल्छन् ।’ नजिकैका सामुदायीक वनबाट दिउसै हुलका हुल बा“दर र मृगका बथानै बालीमा पस्छन । राती खरायो , बदेल र दुम्सीको बिगविगी हुन्छ ।
बस्ती नजिकैका सामुदायीक बनबाट सोझै खेतबारी र बस्तीमा प्रवेस गर्ने जनावरका कारण बालीनाली पाक्ने बेलामा किसानले सुखले खाना समेत खान नपाउने धनकुटा नगरपालिकाका कृषक सूर्य राईले बताउनु भयो । खेतीकालागि समयमै मल, सिंचाई, रोगकिराको नियन्त्रणका लागि औषधी उपकरण र प्राविधिक सेवाका साथै कामदार जनशक्ति अभावमा दुःखले निर्वाहमुखि कृषि पेशा गर्दे आएका गाउँलेहरुका लागि बन्य जन्तुको ज्यादती थप टाउको दुखाई बिषय बनेको किसान दुखेसो गर्छन् । मान्छे ओल्टोकोल्टो लाग्ने वित्तिकै खत्तम पारिहाल्छ ।
पहिले पहिले स्थानीयले जनावर तर्साउन घरेलु घरापको प्रयोग गर्थे, अहिले जनावरले यस्ता धरापको वास्तै गर्न छाडेको किसान बताउँछन् ।
