धनकुटाका कर्मचारीले बुझाए प्रजिअ मार्फत नेपाल सरकारलाई ज्ञापन पत्र
धनकुटा,२६ साउन । धनकुटाका जिल्लाका विभिन्न कार्यलयहरुमा कार्यरत नायव सुब्बाहरुले असमान तलव वृद्धि विरुद्ध र न्यायोचित तथा शिघ्र निजामती सेवा ऐन जारी होस् भन्ने माग सहित धनकुटाका प्रमुख जिल्ला अधिकारी यूवराज कट्टेल मार्फत नेपाल सरकारलाई ज्ञापन पत्र बुझाएका छन् ।
निजामती कर्मचारीहरुको आधिकारिक ट्रेड युनियन धनकुटाका अध्यक्ष गोविन्द खत्रीले प्रमुख जिल्ला अधिकारी लाई ज्ञापनपत्र हस्तान्तरण गर्नु भएको थियो ।
हस्तान्तरण कार्यक्रमा कर्मचारी संग आबद्ध विभिन्न संघ संगठनका प्रमुख प्रतिनिधी सहित राजपत्र अनंकित तथा श्रेणीविहीन कर्मचारीहरु नायब सुब्बा, खरदार र सहायक कर्मचारीहरुको उपस्थिती रहेको जनाइएको छ ।
असमान रुपमा सरकारले तलबमान बढाएको भन्दै देशभर राजपत्र अनंकित तथा श्रेणीविहीन कर्मचारीहरुले विरोधका कार्यक्रम गर्दै आएका छन् ।
