निर्वाचनका लागि टिकट वितरण गर्दा जिल्लाको सिफारिसको आधारमा मात्र गर्न सुझाव
धनकुटा । सरकारले आगामी मंशिर ४ गतेको लागि प्रदेश र प्रतिनीधिसभा निर्वाचनका लागि मिति तोकेको छ ।
यो सन्र्दभमा नेपाली कांग्रेस धनकुटाको टोलीले पार्टीका केन्द्रिय स्तरका नेताहरुलाई भेटेर निर्वाचनका लागि उम्मेद्धारका छनौट गर्दा जिल्लाले सिफारिस गरेको आधारमा मात्र गर्न सुझाव दिएको छ ।
कांग्रेस उपसभापति धन राज गुरुङ,महामन्त्री गगन कुमार थापा र सहमहामन्त्री भीष्मराज आङदम्बे सँग काठमाण्डौमा भेट गर्दै टोलिले त्यस्तो सुझाव दिएको हो ।
चुनावमा जित हाँसिल गर्नका लागि केन्द्रको भूमीका र उम्मेद्धारको लोकप्रियता देखी अन्य आवश्यकीय धेरै कुरा महत्वपूर्ण हुने भएकोले त्यस्तो सुझाव दिईएको नेपाली कांग्रेस जिल्ला सचिव विजय सन्तोषी राईले वताउनुभयो ।
टोलिमा पार्टीका जिल्ला सभापति दिनेश राई सहित महालमक्ष्मी नगरपालिकाका मेयर ध्रुवराज राया,सागुरीगढी गाउपालिकाका अध्यक्ष तथा प्रदेश सभा (क) क्षेत्रिय कार्य समिति सभापति जितेन्द्र राई,क्षेत्रिय सदस्य राजेश्वर वहादुर श्रेष्ठ लगायतको सहभागिता थियो ।
