धनकुटामा `जनताको साथमा नेपाली कांग्रेस´ अभियानको तयारी
धनकुटा । नेपाली कांग्रेस धनकुटाले भोलि देखि जिल्लाभारि सञ्चालन गर्न लागेको `जनताको साथमा नेपाली कांग्रेस´ अभियानको तयारी पूरा भएको
जनाएको छ । आज धनकुटा आयोजित अन्र्तक्रिया कार्यक्रममा त्यस्तो जानकारी दिईएको हो ।
धनकुटाको ६० वटा वडा, सवै टोल र सात पालिकामा सञ्चालन गरिने यो अभियानको धनकुटा कांग्रेसले आज जिल्ला पदाधिकारी, भातृ तथा शुभेच्छुक संस्था र सल्लाहकारहरुसंग अन्र्तक्रिया गरेको जिल्ला सचिव विजय सन्तोषी राईले जानकारी दिनु भयो।
अन्र्तक्रियामा नेपाली पार्टीका केन्द्रिय सदस्य तथा यूवा नेता राजिब ढुंगानाले प्रदेश र संघको निर्वाचनमा धनकुटाका तीनै सिटमा गठबन्धनले जित्ने वताउनु भयो । उहाले `जनताका साथमा नेपाली कांग्रेस अभियान´ले जनतामा नया उत्साह ल्याउने उल्लेख गर्नुभयो ।
जिल्ला सभापति दिनेश राईको अध्यक्षमा सम्पन्न अन्र्तक्रियामा उपसभापति निर्मल प्रसदा ओझाले स्वागत मन्तव्य राख्नुभएको थियो । कार्यक्रमको उदेश्य जिल्ला सचिव राईले प्रकाश पार्नु भएको थियो ।
अन्तरक्रियामा प्रदेश सांसद लिला सुब्बा,पार्टीका १ नं प्रदेशका सदस्य मिना तुम्बा,सागुरीगढी गाउपालिकाका अध्यक्ष जितेन्द्र राई लगायतले याे अभियानले कांग्रेसको पक्षमा जनलहर ल्याउने वताए ।
अभियान भाद्र १० गते उद्घाटन भई भाद्र २४ गते वि पि जयन्तीका दिन सम्म गरी १५ दिन सम्म धनकुटा जिल्लाभरी संचालनहुने नेपाली कांग्रेस धनकुटाले जनाएको छ ।
