सोह्र श्राद्ध सुरु भए संगै धनकुटामा सालका पातको कारोबार पनि बढ्यो
धनकुटा,२६ भदौ । सोह्र श्राद्धमा बढी प्रयोग हुने सालका पातको कारोबार र मूल्य धनकुटामा दुवै बढेको छ ।
प्रत्येक वर्ष आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्षमा दिवंगत पितृका नाममा सिदादान दिनका लागि बढी प्रयोग हुने भएकोले सालको पातको मूल्य र कारोबार दुबै बढेको हो ।
प्राय सबै महिनामा सालको पात बिक्रि हुने गरेको भए पनि यो समय भने मुख्य सिजन भएकोले अन्य समयमा ३० वा ३५ रुपैयाँमा १ मुठा पात बिक्रि हुने गरेको भए पनि अहिले ५० रुपैयाँ भन्दा माथी रहेको पात विक्रेता केशरीरानी राईले बताइन्न् ।
उनले भनिन्न् अरु बेला हप्तामा १ बार मात्र पात बिक्रि हुने गरेको थियो त्यो पनि बजारमा ढुलाएर तर अहिले सोह्र श्राद्धको समय आएकोले अडर अनुसार घर घर मै लगेर पात बिक्रि गर्ने गरेका छौ ।
चाडपर्व यज्ञयज्ञादि तथा ठूला कार्य गर्नुअघि पितृलाई श्रद्धा भक्तिका साथ सम्झिने वैदिक सनातन हिन्दू शास्त्रीय परम्परा अनुसार सोह्रश्राद्ध गर्ने गरेका छन् ।
