भारती माबिमा जुनियर रेडक्रस सर्कलद्वारा गमला प्रदान
धनकुटा । धनकुटा जिल्लाको पाख्रिबास नगरपालिका वडा नं १० अवस्थित भारती माध्यमिक बिद्यालयले विभिन्न अतिरिक्त कार्यक्रमको संचालन गर्दै आएको छ ।
सोही कार्यलाई निरन्तरता दिंदै आज बिद्यालयमा बाल क्लब तथा जुनियर रेडक्रस सर्कलले १-३ पढाइ कार्यक्रम, ४-५ अङ्ग्रेजी निवेदन लेखन , ६-८ अनुच्छेद लेखन तथा ९-१२ हाजिरिजवाफ प्रतियोगिता सम्म्पन्न गरेको छ ।
कार्यक्रमकै अवसरमा बिद्यालयलाई जुरेसले २५ थान गमला प्रदान गरेको छ ।
कार्यक्रम बिद्यालयका प्र.अ हरि प्रसाद पौडेलको अध्यक्षतामा सम्पन्न भएको थियो । उक्त अवसरमा बोल्दै प्रअ पौडेलले जू.रे.स शिक्षक नायक तथा जु.रे.स तथा बाल क्लबका सम्पुर्ण बिद्यार्थीहरू लाई धन्यवाद ज्ञापान गर्नु भएको बिद्यालयका शिक्षक अनिल तिम्सिनाले जानकारी दिए ।
यो पनि…
मतदान केन्द्रमा क्यामरा, मोबाइल र अन्य निषेधित वस्तु रोक्न निर्देशन
काठमाडौँ, २९ कात्तिक (रासस) ःनिर्वाचन आयोगले आगामी मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि मतदान केन्द्रमा क्यामरा, मोबाइल र अन्य निषेधित वस्तु रोक्ने सम्बन्धमा चार बुँदे निर्देशन दिने निर्णय गरेको छ । मतदानका दिन मतदान केन्द्रमा प्रवेश गर्ने मतदाता तथा अन्य व्यक्तिलाई सलाई, लाइटर, फोटो खिच्ने क्यामरा, मोबाइल तथा अन्य निषेधित वस्तु नलिई मतदान केन्द्रमा आउनको निम्ति प्रतिनिधिसभा तथा प्रदेशसभा सदस्य निर्वाचन निर्देशिका, २०७९ को दफा २१ ब्मोजिम सर्वपक्षीय बैठकमा समेत छलफल गराई आयोगले सार्वजनिक आह्वान र अनुरोध गरेको हो ।
आयोगले मतदाता वा अन्य व्यक्तिले मतदान केन्द्रमा आउँदा निषेधित वस्तु लिई आएको पाइएमा प्रचलित कानून बमोजिम तत्काल कारबाही गर्ने र सलाई, लाइटर, क्यामरा, मोबाइलजस्ता वस्तु लिई आएमा मतदान केन्द्रको प्रवेश विन्दुमा राख्ने व्यवस्था मिलाउने वा मतदान केन्द्र बाहिर निजलाई उपयुक्त लागेको स्थानमा राख्न लगाएर मतदान केन्द्रमा प्रवेश गर्न अनुमति दिने निर्देशन दिएको छ ।
“कसैले फोटो खिच्ने क्यामरा वा मोबाइल आफ्नो स्थानमा साथमा लागि मत सङ्केत गर्ने स्थान मतदान कक्षमा गएमा तत्काल त्यस्तो क्यामरा वा मोबाइल जफत हुने व्यहोरा सर्वसाधारणलाई सूचीत गर्ने ।” आयोगको निर्देशनमा भनिएको छ, “प्रतिनिधिसभा तथा प्रदेशसभा सदस्य निर्वाचन निर्देशिका, २०७९, निर्वाचन आचारसंहिता, २०७९ विपरीत उल्लिखित कार्य गर्ने मतदाता तथा अन्य व्यक्तिलाई कानुन बमोजिम कारबाही गर्न मुख्य निर्वाचन अधिकृत र निर्वाचन अधिकृतमार्फत मतदान केन्द्रमा खटिने सबै मतदान अधिकृत, सहायक मतदान अधिकृत तथा सुरक्षाकर्मीलाई जानकारी गराउने ।”
