छथरजोरपाटी गाउँपालिकामा आज सार्वजनिक विदा
धनकुटा,२८ फागुन । धनकुटाको छथरजोरपाटी गाउँपालिकाले आज गाउँ पालिका भर सार्वजनिक विदा दिएको छ ।
गाउँ कार्यपालिकाको बैठकको निर्णय अनुसार गाउँ पालिकाको छैठौं स्थापना दिवश फागुन २७ गते मनाइएको हुंदा आज गाउँ पालिका भरि सार्वजनिक दिएको गाउँ पालिकाका अध्यक्ष छत्र बहादुर सुब्बा जारी गरिएको सुचनामा जनाइएको छ ।
यो पनि…
बर्दघाट–सुस्तापश्चिम जिससको भवन निर्माण
नवलपरासी, २८ फागुन (रासस)ःनवलपरासी (बर्दघाट–सुस्तापश्चिम) स्थित जिल्ला समन्वय समितिको प्रशासनिक भवन निर्माण सुरु भएको छ । जिल्लाको सदरमुकाम परासीमा कुल रु सात करोड ९० लाख ५६ हजार लागतमा भवन निर्माण थालिएको समन्वय समितिका प्रमुख भगौती यादव (रुदल)ले जानकारी दिनुभयो ।
करिब तीन कठ्ठा क्षेत्रफलमा निर्माण हुन लागेको उक्त भवन दुईतलाको हुने छ । यसमा विभिन्न प्रयोजनका लागि २५ कोठा रहने जनाइएको छ ।
जिसस प्रमुख यादवले कार्यालयको आफ्नै प्रशासनिक भवन निर्माण सम्पन्न भएपछि कार्यालयबाट हुने सेवा प्रवाह सहज पुग्ने विश्वास लिनुभएको छ ।
करिब एक वर्ष छ महिनाभित्र प्रशासनिक भवन निर्माण सम्पन्न हुने गरी काम अगाडि बढाइएको हो । उक्त भवन बनाउनका लागि रु नौ करोड ४२ लाख ५६ हजारमा बोलपत्र आह्वान गरिएको रु सात करोड ९० लाख ५६ हजारमा बोलपत्र परेको जिससका सबइञ्जीनियर सन्देश न्यौपाने बताउनुभयो । भवन निर्माणको जिम्मा आकृति पशुपति एभरेष्ट जेभी बुटवलले पाएको छ । जिससको हाल आफ्नै भवन नहुँदा भाडाका घरमा कार्यालय सञ्चालन गर्दै आएको छ ।
–––
