धर्मगंगा देखि सिलढुंङ्गा पार्क सम्मको पदमार्गको उद्धघाटन
धनकुटा,१ बैशाख । पर्यटन प्रर्बद्धन गर्ने उदेश्यका साथ धनकुटा नगरपालिका वडा ६ को धर्मगंगा देखि सिलढुंङ्गा पार्क सम्मको पदमार्गको उद्धघाटन गरीएको छ ।
धनकुटा नगरपालिका वडा नं ६ का वडाध्यक्ष मिलन कुमार खड्गीले वडा नं ६ स्थित गुर्धममा नेपालको झण्डा गाडेर पदमार्गको उद्घाटन गर्नु भएको हो ।
यो पदमार्ग आठपहरीया समुदायको बसोबास गर्ने ठाउँमा भएकाले विभिन्न किराती संस्कृति, संस्कार र जीवनशैली बुझ्न सकिने र बजारदेखि नजिकैको दुरीमा भएको कारणले पनि पर्यटन प्रबद्र्धनमा सहयोग पुग्ने अध्यक्ष खड्गीले बताउनुभयो ।
यो पदमार्ग यस क्षेत्रमा बसोबास गर्ने समुदायको लागि मात्र नभएर जिल्ला कै एक प्रमुख पर्यटकीय गन्तव्य बन्ने विस्वास गरेको धनकुटा नगरपालिका ६ का वडाध्यक्ष मिलन खड्गीले बताउँनु भयो ।
पदमार्ग उत्घाटन कार्यक्रममा पूर्व वडाध्यक्ष नरेश श्रेष्ठ,वडा सदस्य पुरुसोतम अर्याल, बुद्धिजिवी उद्धव कटुवाल लगायत स्थानीयको उपस्थिती रहेको थियो ।
