विद्यालयमा आधारित विपद् जोखिम न्यूनीकरण अनुशिक्षण तथा सामग्री हस्तान्तरण कार्यक्रम सम्पन्न
धनकुटा, २७ फागुन । धनकुटाको साँगुरीगढी गाउँपालिकाको आर्थिक सहयोग, नेपाल रेडक्रस सोसाइटी जिल्ला शाखा धनकुटाको आयोजना तथा व्यवस्थापनमा साँगुरीगढी गाउँपालिका वडा नंम्बर ५ स्थित भानु माध्यामिक विद्यालय तथा साँगुरीगढी गाउँपालिका वडा नं ६ नाम्जे स्थित ग्रामीण जनता माध्यामिक विद्यालयमा आधारित विपद् जोखिम न्यूनीकरणका लागि सामग्री हस्तान्तरण तथा अनुशिक्षण कार्यक्रमको आयोजना गरिएको छ ।
सामाग्री हस्तान्तरण तथा अनुशिक्षण कार्यक्रमको सहजीकरण नेरेसो धनकुटाको तर्फबाट निवर्तमान सभापति हरिकुमार राई, नेपाली सेनाका मेजर चन्द्र उप्रेती, नेपाल प्रहरीका इन्सपेक्टर अनिल शाह र सशस्त्र प्रहरी बलका इन्सपेक्टर विश्वनाथ पोख्रेले गर्नु भएको थियो ।
कार्यक्रममा साँगुरीगढी गाउँपालिका अध्यक्ष जितेन्द्र राईको प्रमुख आतिथ्यमा कार्यक्रम सम्पन भएको थियो । कार्यक्रमा पालिका उपाध्यक्ष मुना राई, प्रमुख प्रशासकीय अधिकृत मनोज ठाकुर, ५ नम्बर वडा अध्यक्ष खडग लिम्बू ६ नम्बर वडाका वडा अध्यक्ष यम प्रसाद मगर लगायतको उपस्थिती रहेको जनाइएको छ ।
