चौविसेमा चितुवाको आक्रमणबाट तीन जना घाइते
धनकुटा, ३१ बैशाख । धनकुटाको चौविसे गाउँपालिका–५ बोधेस्थित जंगलमा चितुवाको आक्रमणबाट शनिबार तीन जना स्थानीय घाइते भएका छन् ।
घाइते हुनेहरुमा २६ वर्षीय मुकेश याखा, ३० वर्षीय भुवन याखा र ३३ वर्षीय पविन याखा रहेको प्रहरीले जनाएको छ । शनिबार अपराह्न मौनाखोला नजिकको जंगलमा सुँगुरलाई चारो खोज्ने क्रममा उनीहरु चितुवाको आक्रमणमा परेको प्रहरीको भनाइ छ ।
घाइतेहरुको विपी कोइराला स्वाथ्य विज्ञान प्रतिष्ठान र स्थानिय मेडिकलमा उपचार भएकोमा धरान लगेको मध्ये पनि भुवनलाई आज विहान अस्पतालले डिस्चार्ज दिसकेको स्थानिय भुमिराज देवानले बताउनुभयो भने मुकेशको उपचार भईरहेको छ ।
