धनकुटाका १ दशमलव ४ प्रतिशत परिवारमा छैन शौचालय
धनकुटा,२४ जेठ । धनकुटाका ३७ हजार ६ सय ४८ घर परिवार मध्ये १ दशमलव ४ प्रतिशत परिवारमा शौचालय नभएको तथ्याङ्ग सार्वजनिक भएको छ ।
राष्ट्रिय तथ्याङ्ग कार्यलयले गरेको राष्ट्रिय जनगणना २०७८ अनुसार धनकुटामा अझै पनि ३७ हजार ६ सय ४८ घर परिवार मध्ये १ दशमलब ४ प्रतिशत परिवारमा शौचालय नभएको तथ्याङ्ग सार्वजनिक गरेको हो ।
जस अन्र्तगत महालक्ष्मी नगरपालिकामा १.०५ प्रतिशत, पाख्रिवास नगरपालिकामा १.४ प्रतिशत, छथरजोरपाटी गाउँपालिकामा १ प्रतिशत, धनकुटा नगरपालिकामा १ प्रतिशत, शहिदभूमी गाउँपालिकामा २.७ प्रतिशत, साँगुरीगढी गाउँपालिकामा १.८ प्रतिशत र चौबिसे गाउँपालिकामा १.२ प्रतिशत परिवारमा शौचालय नभएको तथ्याङ्ग सार्वजनिक भएको हो ।
