धनकुटाको पाख्रीबासमा पर्यटन प्रबर्दनका लागि सुन्तले डाँडामा निर्माणधिन संरचना
शर्मिला राई,धनकुटा । परियटन प्रवर्द्वधनलाई लक्षित गरि धनकुटाकाे पाख्रीवास नगरपालिका वडा नं ३ र ४ काे सिमाना सुन्तले डाँडामा विभिन्न संरचना निर्माण भईरहेका छन् ।
पाख्रीवास नगरपालिका र काठमाण्डाै महानगरपालिकाकाे भगिनी सम्बन्ध अन्तरगत संयुक्त लगानिमा यहाँ भगवान श्री कृष्णकाे मूर्ति,यलम्बरकाे मूर्ति तथा पदमार्ग लगायतका संरचना निर्माण भईरहेकाे पाख्रीवास नगरपालिकाले जनाएकाे छ ।
२ करोड ४७ लाख बढी लागतमा निर्माण गर्न लागिएको यी संरचनाको कामको जिम्मा विनायक जेभी पूजा साईमन धरानले ठेक्का लिएको नगरका ईञ्जिनियर नरेन्द्र लिम्बुले जानकारी दिनुभयो ।
संरचना निर्माणको काम अहिलेसम्म करिब ७० प्रतिशत सकिएको उहाँले बताउनुभयो । यो काम २०८० भदौ मसान्तसम्म सक्नुपर्नेछ ।
