पर्यटकीय स्थान ध्वजे डाँडामा यसरी फहराइयो २२ देशको झण्डा(भिडियो सहित)
धनकुटा,४ असार । धनकुटाको साँगुरीगढी गाउँपालिका ५ मा रहेको ध्वजे डाँडामा आन्तरिक तथा बाह्य पर्यटकलाई आकर्षित गर्न नेपाल सहित २२ देशको राष्ट्रिय झण्डा फहराइएको छ ।
ध्वजे डाँडामा करिब २० फिट उचाइ भएका झण्डाहरु फहराइए हो । पूर्वको पर्यटकीयस्थल भेडेटारबाट पूर्बमा रहेको ध्वजे स्थानीय युवाहरुको पहलमा नेपाली झण्डा फहराएपछि पर्यटकीय क्षेत्रको अझ प्रवद्र्धन हुने साँगुरीगढी गाउँपालिका ५ का अध्यक्ष खड्गबहादुर लिम्बुले बताउनु भयो ।
डाँडालाई आकर्षणको केन्द्र बनाई विशेष गरि बाह्य पर्यटक भित्र्याउने लक्ष्य लिएर विभिन्न देशको झण्डा फहराइएको साँगुरीगढी गाउँपालिका अध्यक्ष जितेन्द्र रुम्दाली राईले बताउनु भयो ।
