युकेको एबरडिनमा आगोलागिबाट २ नेपाली चेलीको निधन
लण्डन । बेलायतको स्कटल्याण्ड राज्यको एबरडिनमा गत २९ जनवरी २०२४ का दिन आगलागीमा परी दिदीबहिनी शिक्षा र आँचल सुवेदीको निधन भएको कुरा एबरडिनलाईभडटकमन्यूज ले जनाएको छ ।
सुवेदी दिदीबहिनी बस्ने फ्लाटभन्दा विपरीत तर्फको फ्लाटबाट आगोलागि शुरु भएको र सुवेदी दिदीबहिनी दोस्रो तल्लामा बस्ने गरेको जनाएको छ ।
आगलागी भएको थाहा पाएपछि दिदीबहिनी आफ्नो फ्लाटको ढोका बन्द गरी बाहिर निस्कन खोज्दा भर्याङमै धुँवाको मुस्लोमा परी निस्सासिएर उनीहरूको मृत्यु भएको आशङ्का गरिएको छ ।
दुवैजनाको शरीरमा कतै जलेको पनि नपाइएको जनाईएको छ ।
डा यज्ञ सुवेदीका तीन छोरीमध्ये जेठी विवाह भएर अलग्गै बस्थिन् भने दुई दिदीबहिनी बाबाआमाबाट करिब १० मिनेटको दुरीमा रहेको सो फ्लाटमा बस्ने गर्थे ।
