पाख्रीबासमा सम्पन्न नि:शुल्क स्वास्थ्य शिविरमा ४ सय ७९ जनाले लिए स्वास्थ्य सेवा
धनकुटा । धनकुटाको पाख्रीबास नगरपालिका र धनकुटा नगरपालिकाको संगम स्थल उत्तरपानी स्थित श्री आधार भुत विद्यालयमा आयोजना गरिएको निशुल्क स्वास्थ्य शिविरमा ४ सय ७९ जनाले स्वास्थ्य सेवा लिएका छन्।
पाख्रीबास नगरपालिका , नोबेल मेडिकल कलेज टिचिङ हस्पिटल विराटनगरको संयुक्त आयोजनमा निःशुल्क स्वास्थ्य शिविर आयोजना गरिएको हो।
शिविरमा स्त्री रोग प्रशुती सम्बन्धि विशेषज्ञ सेवा, भिडियो एक्सरे सेवा, दन्त परीक्षण, हाडजोर्नी , नशा , छाला तथा यौन रोग , ल्याब परिक्षण ,रगत ,पिशाव जाच ,ईसिजि मुटु जाँच नाक ,कान ,घाँटी उपचार र निःशुल्क औषधि वितरण सेवासमेत प्रदान गरिएको छ।
शिविरमा नोबेल टिचिङ हस्पिटल स्वास्थ्यकर्मी टोली पाख्रीबास नगरपालिका स्वास्थ शाखाका स्वास्थ्यकर्मी लगायतले सेवा दिएका थिए। शिविरमा पाख्रीबास नगरपालिकाको ९ र १० , धनकुटा नगरपालिकाको ९ र १०नं वडाका ४ सय ७९ नागरिकले स्वास्थ्य सेवा लिएको पाख्रीबासनगरपालिकाको स्वास्थ शाखा प्रमुख बसन्त निरौलाले जानकारी दिनुभयो ।शिविरमा महिला २ सय ९२ जना पुरुष १ सय ८८ जनाले स्वास्थ जाँच गरिएको थियो। जसमध्ये धनकुटा नगरपालिकाको १ सय ९६ र पाख्रीबास नगरपालिका २ सय ८३ जनाको सहभागीता थियो ।
त्यस्तै, ४६ जनालाई थप उपचारका लागि रिफर गरिएको आयोजकले जनाएको छ
