बजेट ल्याउने तयारीमा साँगुरीगढी
धनकुटा । बजेट बिहिन अवस्थामा रहेको धनकुटाको साँगुरीगढी गाउँपालिकाले बजेट ल्याउने तयारी थालेको छ । गाउँपालिका अध्यक्ष जितेन्द्र रुम्दाली राईले आज सामाजिक संजाल फेसबुक मार्फत बजेट ल्याउने तयारीमा रहेको जानकारी गराउँनु भएको छ ।
स्थानीय तहले असार १० भित्र गाउँ सभामा बजेट पेश गर्नु पर्ने र असार मसान्तसम्म पारित गरिसक्नुपर्छ संवैधानिक व्यवस्था भए पनि साँगुरीगढी गाउँपालिकाले भने जनप्रतिनिधीको विवादका कारण समयमा बजेट ल्याउन सकेको थिएन ।
बजेट लगायत विभिन्न विषयमा पटक–पटक वसेको कार्यपालिका वैठकमा सहमति हुन नसक्दा आर्थिक वर्ष २०८१÷८२ को बजेट ल्याउन नसक्दा पालिकामा बजेट होलिडे भएको छ ।
