धनकुटामा यसरी गरियो छठ पर्व सम्पन्न
धनकुटा,२३ कार्तिक । पारिवारिक सुख, शान्ति, समृद्धि, शारीरिक कल्याण, रोगबाट मुक्ति तथा विभिन्न मनोकाङ्क्षा पूरा होस् भन्ने उद्देश्यले श्रद्धापूर्वक मनाइने छठ पर्व धनकुटामा पनि सम्पन्न भएको छ ।
आज बिहान उदाउँदो सूर्यलाई अर्घ्य दिँदै छठ पर्व सम्पन्न गरिएको हो । चार दिनसम्म विभिन्न विधि गर्दै मनाइने यस पर्वको चौथो दिन आज बिहान जलाशय, कुवा तथा पोखरीमा उदाउँदो सूर्यलाई अर्घ्य दिएर धुमधामका साथ छठ सम्पन्न भएको हो ।
सूर्यको आराधना गरेर मनाइने छठ पर्व पहाडी जिल्लाहरुमा समेत मनाउँने क्रम पछिल्लो समय बढ्दै गएको छ ।छठ पर्व अन्तर्गत बर्तालुहरूले हिजो अस्ताउँदो सूर्यलाई अर्ग दिएका थिए ।
