औद्योगिक प्रदर्शनी तथा धनकुटा पर्यटन महोत्सव सुरु
धनकुटा,२३ बैशाख । धनकुटामा मंगलबार बाट औद्योगिक प्रदर्शनी तथा धनकुटा पर्यटन महोत्सव सुरु भएको छ ।
कोशी प्रदेश सरकारका उद्योग,कृषि तथा सहकारी मन्त्री खगेनसिं हाङगामले औद्योगिक प्रदर्शनी तथा धनकुटा पर्यटन महोत्सवको उत्घाटन गरे संगै मंलबार बाट महोत्सव सुरु भएको हो ।
नेपाल घरेलु तथा साना उद्योग महासङ्घ धनकुटाको आयोजनामा सुरु भएको महोत्सवमा धनकुटा सहित कोशी प्रदेशका साना तथा घरेलु उद्योगबाट उत्पादित वस्तुको प्रदर्शनी र बिक्री वितरणका लागि सामाग्री राखिएको छ ।
महोत्सव उत्घाटन गर्दै मन्त्री हाङगामले महोत्सवले स्थानिय उत्पादनको बजारी करण र पर्यटकीय क्षेत्रको प्रचार प्रसारमा महत्व पूर्ण भूमिका खेल्ने बताए । साथै कोशी प्रदेश सरकारले सुरु गरेको पर्यटन वर्ष २०८२ लाई सहयोग पुग्ने गरि समेत उनको भनाइ थियो ।
