धनकुटामा किरात समुदायले यसरी मनाए उभौली चाड(भिडियो सहित)
धनकुटा,२९ बैशाख । किराती समुदायले आज भव्य रुपमा उभौली चाड मनाएरा छन् ।
प्रकृती पुजक याे समुदायले साकेला थान (भुमेस्थान) मा पूजा आराधना गरि साकेला नाच नाच्दै यो चाड मनाएका हुन् । उनिहरुले माङ्पाबाट पूजा गराई यस चाडमा अब लगाईने वालीनाली राम्राे हाेस् भन्ने कामना गर्दछन् भने पितृहरुकाे पनि सम्झना गर्दछन् ।
यहि अवसरमा किरात राई यायोक्खा धनकुटाले बृहत् साकेला कार्यक्रमको आयोजना गरि यो चाड मनाएको छ । धनकुटा सदरमुकाम राईकुवा टोल स्थितकाे साकेला थानमा पूजा गरि साकेला पार्कमा साँस्कृतिक नृत्य साकेला प्रदर्शन गरिएकाे थियाे ।
यसवीच साकेला पार्कमा आज १४ वटा फलैचा पनि राखिएका छन् । आफ्ना पितृहरुको नाममा विभिन्न व्यक्तीहरु मार्फत ती फलैचाहरु निर्माण गरिएकाे किरात राई यायाेक्खा धनकुटाका अध्यक्ष उद्ववमणी राईले जानकारी दिनु भयाे ।
त्यस्तै हिले, पाख्रीवास लगायतका स्थानमा पनि आज भव्यताका साथ उभौली चाड मनाइएको छ ।
