भिषण बाढीले रसुवागढी नाका ध्वस्त, मान्छे र सयौँ गाडी बगेको आशंका
काठमाडौ । रसुवा भन्सारमा आज बिहान करिब ३ बजे भिषण बाढी आएको छ। बाढीका कारण नाकाको दुईदेश जोड्ने पुल,भन्सार यार्ड, बन्दै गरेको सुख्खा बन्दरगाह सबै बगाएको उनले बताए ।
बाढीमा नाका क्षेत्रमा गाडी चालाउने चालकहरु र बन्दरगाहमा काम गर्ने चिनियाँ नागरिकहरु पनि परेको भन्ने छ तर यकिन नभइसकेको उनले बताए । सूचना अधिकारी रबिन्द्र प्याकुरेलका अनुसार बाढीले भन्सार जाँचपासको क्रममा रहेका सयौं गाडीहरु बगाएको छ ।
‘नेपालतर्फ मौषम सुख्खा र घाम लागेको छ तर चीनतर्फबाट नदीमा एक्कासी बिहान ३ बजे बाढी आयो’ , सूचना अधिकारी प्याकुरेलले भने, ‘नाका ध्वस्त भएको छ । ठूलो भौतिक क्षति छ । मानवीय क्षतिको पनि कुरा छ तर यथार्थ संकलन भइसकेको छैन् ।’
