धनकुटाबाट लागुऔषध खैरो हेरोइन सहित एक जना पक्राउ
धनकुटा,२ साउन । धनकुटाबाट लागुऔषध खैरो हेरोइन सहित एक जना पक्राउ परेका छन् ।
पक्राउ पर्नेमा जिल्लाको सहिदभूमि गाउंपालिका ५ का २३ बर्षिया सुवास राई रहेका छन् ।
हिजो बेलुका अन्दाजी ६ बजे प्रहरी चौकी हिलेबाट खटिएको टोलीले शहीदभूमि गापा ६ सुकेआहालमा प्रदेश नम्बर १-०२-०४८ प ४८९२ नम्बरको मोटरसाइकल रोकी बाटोमा शंकास्पद रुपमा हिँडिरहेका राईलाई तलासी लिँदा निजको साथबाट साना साना ५ पोकामा खैरो हेरोइन जस्तो देखिने लिसाइलो पदार्थ २५० मिलिग्राम बरामद भएपछि निजलाई मोटरसाइकल सहित नियन्त्रणमा लिइएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
मोटरसाइकल सहित पक्राउ परेकाको थप अनुसन्धान भैरहेको प्रहरीले जनाएको छ ।
