धनकुटाको महालक्ष्मीमा जग्गा धनिपूर्जाका लागि १ हजार ५४ जनाले दिए निवेदन
धनकुटा । धनकुटाको महालक्ष्मी नगरपालिकामा जग्गा धनिपूर्जाका लागि १ हजार ५४ जनाले निवेदन दिएका छन् । यस अघि निवेदन दिएका भूमिहिन दलित ३८, भूमिहिन सुकुम्वासी १ सय २,अव्यवस्थित वसोवासीहरु ९ सय १४ जना गरी जम्मा १ हजार ५४ ले निवेदन दिएको भूमी समस्या समाधान आयोग धनकुटाले जनाएको छ ।
आयोगले शुक्रवार महालक्ष्मी नगरपालिकाका भूमिहिन सुकुम्वासी र अव्यवस्थित वसोवासीहरुलाई जग्गा उपलब्ध गराई जग्गा धनी पूर्जा वितरण गर्ने तयारी स्वरुप पालिकामा सम्पन्न गरेको बैठक तथा दोस्रो चरणको अभिमूखीकरण कार्यक्रम त्यस्तो जानकारी दिईएको हो ।
बैठकमा महालक्ष्मी नगरपालिकाका मेयर ध्रुवराज रायले सवै वडाका वडाध्यक्ष तथा सचिवहरुलाई आ–आफ्ना वडामा सुकुम्वासी तथा अव्यवस्थित वसोवासीहरुलाई जग्गा उपलब्ध गराई जग्गाधनी पूर्जा वितरणका लागि पहिलो प्राथमिक्ता दिएर काम गर्न निर्देशन दिनु भयो ।
त्यस्तै महालक्ष्मी नगरपालिकाकाका प्रमुख प्रशासकिय अधिकृत चुडामणी गुरागाईले नियम कानुन भित्र रहेर सुकुम्वासीहरु अव्यवस्थित वसोवासीहरुलाई जग्गा धनी पूर्जा वितरण गर्न सवैले सहयोग गर्नु पर्नेमा जोड दिनु भयो । बैठकमा भूमी समस्या समाधान आयोगका जिल्ला सदस्य तथा महालक्ष्मी नगरपालिकाका संयोजक विजय सन्तोषी राईले जग्गा धनिपूर्जाका लागि निवेदन दिएकाहरुको आवश्यक छानविन गरि चाँडै धनीपूर्जा वितरण गरिने बताउनु भएको छ ।
वैठकमा आयोगका जिल्ला विज्ञ सदस्य नविन किशोर शाक्यले भूमीहिन सुकुम्वासीहरु र अव्यवस्थित वसोवासीहरुलाई जग्गा उपलब्ध गराई जग्गा धनी पूर्जा वितरण गर्ने कार्यविधिको वारेमा सहजीकरण गर्नु भएको थियो ।
वैठकमा महालक्ष्मी नगरपालिका वडा नं १ का वडाध्यक्ष टेक वहादुर गुरुª, २ नम्वरका वडाध्यक्ष पदम रखाल, ३ नम्वरका वडाध्यक्ष रामचन्द्र थापा,४ नम्वरका वडाध्यक्ष शुक्रराज बुढाथोकी,५नम्वरका वडाध्यक्ष शान्त वहादुर कुवर, ७ नम्वरका वडाध्यक्ष नेत्र अधिकारी,८ नम्वरका वडाध्यक्ष राम वहादुर खड्का,९ नम्वरका वडाध्यक्ष टेक वहादुर थापाले वडास्थरमा गठित सहजीकरण समितिले अव अझ क्रियाशिल भई वडामा रहेका सुकुम्वासी तथा तथा अव्यवस्थित वसोवासीहरुलाई जग्गा धनीपूर्जा उपलब्ध गराउन विशेष प्राथमिक्ता दिई काम गर्ने वताए ।
यसैगरी महालक्ष्मी नगरपालिका वडा नंं १ का सचिव भेषराज पौडेल, २ नम्वरका सचिव बाबुराम कटुवाल, ३ नम्वरका सचिव खड्ग कार्की,४ नम्वरका सचिव राम वहादुर खड्का,५नम्वरका सचिव डम्वर थापा ,७ नम्वरका सचिव खगेन्द्र पौडेल,८ नम्वरका सचिव सुमन सुवे दी,९ नम्वरका सचिव गजेन्द्र राई,भूमी शाखका प्रमुख चेतन वराल,भूमी समस्या समाधान आयोग धनकुटा जिल्लाका कर्मचारीहरु लक्ष्मण थापा,दिपिका कार्की लगायतले समेत आ आफ्नो धारणा राखेका थिए ।
