देशमा कार्यकारी प्रधानमन्त्री वा राष्ट्रपति हुँदैमा देशले निकास नपाउने : माधवकुमार नेपाल
धनकुटा,२० पुष । नेपाली कम्युनिष्ट पार्टी (नेकपा) का सहसंयोजक तथा पुर्व प्रधानमन्त्री माधवकुमार नेपालले देशमा कार्यकारी प्रधानमन्त्री वा राष्ट्रपति हुँदैमा देशले निकास नपाउने बताउनु भएको छ ।
आज नेपाली कम्युनिष्ट पार्टीको प्रचार विभागले धनकुटामा गरेको पत्रकार सम्मेलनमा सहसंयोजक नेपालले पात्र नै खराव भएकाले तत्काल कार्यकारीको हातमा सुम्पिन नहुने बताउनु भयो ।
अहिलेको राजनीतिक संकट टार्न निर्वाचनको विकल्प नभएकाले अहिलेको सरकारको मुख्य काम निर्वाचन गराउनु भएको बताउनु भयो । उहाँले सर्वाेच्च अदालतले के गर्छ भोलीको कुरा हो’, उहाँले भन्नु भयो, सर्वाेच्चको कुरा त सबैले मान्नुपर्छ । तर अहिले त्यो परिस्थिती बनेको छैन ।’
अहिले सर्वाेच्चको बाटो नकुरी सबै दलहरु निर्वाचनमा लागिसकेको उहाँको दावी छ । उहाँले एक प्रशंगमा नयाँ शक्तिहरुसँग डराउनुपर्ने भन्दा पनि सचेत हुनुपर्ने अवस्था आएको बताउनु भयो । उहाँले अन्य पार्टीहरुसँग पनि चुनावी गठबन्धन गर्न सकिने बताउनु भयो । त्यसका लागि कांग्रेस–एमाले लगायतका ठूला दलबाट प्रस्ताव आउनुपर्ने उहाँको भनाइ छ ।-धनकुटा एफ एमको सहयोगमा
