विराटनगरमा भारतबाट भन्सार छली ल्याइँदै गरिएको ठूलो परिमाणको माछा बरामद
मोरङ । मोरङको विराटनगर महानगरपालिका–१६ दैया क्षेत्रमा भारतबाट भन्सार छली नेपालतर्फ ल्याइँदै गरिएको ठूलो परिमाणको माछा प्रहरीले बरामद गरेको छ।
बुधबार बिहान करिब १०ः३० बजे इलाका प्रहरी कार्यालय रानीबाट खटिएको टोलीले को १९ प १३१ नम्बरको मोटरसाइकल चेक जाँच गर्दा दुई कार्टुनमा ८० केजी रहु र बिकासी जातका माछा फेला पारेको हो।
बरामद माछाको मूल्य २४ हजार रुपैयाँ बराबरको माछा नियन्त्रणमा लिइएको प्रहरीले जनाएको छ। घटनामा संलग्न विराटनगर–६ का २१ वर्षीय बिक्की सहनीलाई मोटरसाइकलसहित नियन्त्रणमा लिई आवश्यक कानुनी प्रक्रिया अघि बढाइएको छ प्रहरिले जनाएको छ।
