धनकुटा पाख्रिबासकी ११ वर्षीया समिपन राई ‘द भ्वाइस किड्स नेपाल सिजन ५’ को ब्याटल राउन्डमा प्रवेश
धनकुटा । धनकुटाको पाख्रिवास नगरपालिका–३, कसेनीकी ११ वर्षीया समिपन राई द भ्वाइस किड्स नेपाल सिजन ५ की ४२औँ प्रतियोगीका रूपमा ब्लाइन्ड अडिसन सफलतापूर्वक पार गर्दै ब्याटल राउन्डमा प्रवेश गर्न सफल भएकी छन्।
सानै उमेरदेखि गायनमा रुचि राख्दै आएकी समिपनले आफ्नो प्रतिभा र प्रस्तुतिबाट निर्णायकहरूको मन जित्न सफल भएकी हुन्।
उनको यो सफलताले परिवारसँगै धनकुटावासीलाई समेत गर्व गर्ने अवसर दिएको छ।
समिपनको आगामी प्रतिस्पर्धात्मक यात्राका लागि परिवारले परिचित तथा अपरिचित सबै शुभेच्छुकसँग माया, सद्भाव, शुभकामना र सहयोगको अपेक्षा गरेको छ।
