फाइनलमा पराजय भए पनि एम्बाप्पे झै मेस्सीले पनि जिते दुई ब्यक्तिगत उपाधी
काठमाडौं, ४ साउन । रोमाञ्चक फिफा विश्वकप २०२६ को समापनसँगै फिफाले प्रतियोगिताका व्यक्तिगत पुरस्कारहरू प्रदान गरेको छ ।
स्पेनले दोस्रो पटक उपाधि जित्दा ‘ला रोजा’ अर्थात स्पेनिस टोलीका लागि मिडफिल्डमा उत्कृष्ट प्रदर्शन गरेका रोद्रीले प्रतियोगिताको सर्वोत्कृष्ट खेलाडीका रूपमा ‘एडिडास गोल्डेन बल’ अवार्ड जितेका छन ।
लगातार तेस्रो पटक फाइनलमा पुग्नबाट झिनो अन्तरले चुके पनि फ्रान्सका सुपरस्टार किलियन एम्बाप्पेले मात्र आठ खेलमा १० गोल गर्दै ‘एडिडास गोल्डेन बुट’ अवार्ड हात पारे, उनले अर्को ‘एडिडास ब्रोन्ज बल’ गरी दुई ब्यक्तिगत उपाधी जितेका छन् ।
स्पेनका गाेलकिपर उनाई साइमनलाई ८ खेलमा ७ पटक ‘क्लिन सिट’ अर्थात कुनै पनि गोल हुन नदिएर रेकर्ड बनाएकाले ‘एडिडास गोल्डेन ग्लोभ’ अवार्ड प्रदान गरियो, जसमा अर्जेन्टिनामाथि १-० को अतिरिक्त समयको फाइनल जित पनि समावेश छ।
प्रतियोगिताको क्रममा केवल एक गोल खाने स्पेनको रक्षापंक्तिमा महत्त्वपूर्ण भूमिका खेले पछि पाउ क्युबार्सीले अरामकोद्वारा प्रदान गरिएको ‘फिफा सर्वश्रेष्ठ युवा खेलाडी’ पुरस्कार हातमा परेसँगै आफ्नो चम्किलो करियरको उत्कृष्ट सुरुवात जारी राखेका छन् ।
उता, प्रतियोगितामा ८ गोल गरेका अर्जेन्टियन स्टार लियोनेल मेस्सीले ‘एडीडास सिल्भर बल’ र ‘एडीडास सिल्भर बुट’ गरी दुई उपाधी जितेका छन भने इंग्ल्यान्डका जज बेलिङघमले ‘एडिडास ब्रोन्ज बुट’ जितेकाे फिफा विश्वकप २०२६ले जनाएकाे छ ।
र, यसपटकको विश्वकपमा ‘फेयर फ्रि प्लेयर ट्रफी’ भने नेदरल्याण्डले जितेको छ, जसको प्रायोजन म्याक डोनालले गरेको फिफाले जानकारी दिएकाे छ ।
