“बक्स क्रिकेट प्रतियोगिताबाट प्रधानमन्त्री राहत कोषमा २ लाख ५१ हजार २५१ रुपैयाँ सहयोग”
सचिन्द्र श्रेष्ठ,यूएई।युनाइटेड अरब इमिरेट्स नेपाली क्रिकेट एसोसिएसन (UNCA) द्वारा आयोजित बक्स क्रिकेट प्रतियोगिताबाट संकलित रु. २ लाख ५१ हजार २५१ प्रधानमन्त्री राहत कोष (PMO Relief Fund) मा सहयोग गरिएको छ।
प्रतियोगिताका प्रायोजक, दाता, टिम मालिक, खेलाडी तथा आयोजक समिति सदस्यहरूको सहयोग र योगदानबाट संकलित उक्त रकम राहत कोषमा प्रदान गरिएको आयोजक समितिले जनाएको छ।
सामाजिक उत्तरदायित्व र मानवीय सेवाको भावना सहित आयोजित यस अभियानमा प्रत्यक्ष तथा अप्रत्यक्ष रूपमा सहयोग गर्ने सम्पूर्ण प्रायोजक, दाता, टिम मालिक, खेलाडी तथा समिति सदस्यहरूप्रति आयोजक समितिले हार्दिक आभार व्यक्त गरेको छ।
आयोजक समिति संयोजक सूर्यविक्रम श्रेष्ठले आगामी दिनमा पनि समाजप्रतिको योगदान र सहकार्यलाई निरन्तरता दिँदै सामाजिक तथा मानवीय कार्यमा सक्रिय रहने प्रतिबद्धता व्यक्त गरेका छन्।
सहयोग अभियानले विदेशमा रहेर पनि नेपाली समुदायले सामाजिक उत्तरदायित्व र मानवीय सेवाप्रति देखाएको प्रतिबद्धतालाई थप उजागर गरेको आयोजक समितिको भनाइ छ।
