धनकुटामा सुमो दुर्घटना हुंदा एक महिलाको मृत्यु, १० जना घाइते
धनकुटा । धनकुटाको छथर जोरपाटी गाउँपालिका–काजीमानेमा सुमो गाडी दुर्घटना हुँदा एक महिलाको मृत्यु भएको छ। दुर्घटनामा १० जना घाइते भएका छन्।
धनकुटातर्फ आउँदै गरेको सुमो सडकबाट तल खसेर दुर्घटना भएको धनकुटा प्रहरीका प्रवक्ता डीएसपी हेमन्त भण्डारी क्षेत्रीले जानकारी दिए।
उनका अनुसार दुर्घटनामा एक महिलाको मृत्यु भएको छ। मृतकको पहिचान खुल्न सकेको छैन।
दुर्घटनामा घाइते भएकाहरूलाई उद्धार गरी उपचारका लागि धनकुटा जिल्ला अस्पताल ल्याउने काम भइरहेको प्रहरीले जनाएको छ।
दुर्घटना भर्खरै भएकाले घटनाको थप विवरण खुल्न बाँकी रहेको डीएसपी क्षेत्रीले बताए।
