धनकुटाको पाख्रीबासमा ‘केचना–सगरमाथा जनतासँग हातेमालो अभियान’ सञ्चालन हुँदै
धनकुटा । श्रम संस्कृति पार्टी पाख्रीबास नगर तदर्थ कमिटीको आयोजनामा ‘केचना–सगरमाथा जनतासँग हातेमालो अभियान’ सञ्चालन हुने भएको छ।
‘चेतना, पसिना, औजार र विचारको क्रान्ति’ भन्ने नारासहित आयोजना हुने कार्यक्रममा श्रम संस्कृति पार्टीका केन्द्रीय वरिष्ठ श्रमदाता तथा पूर्व पर्यटन मन्त्री सुदन किराती प्रमुख अतिथिका रूपमा सहभागी हुने जनाइएको छ।
कार्यक्रममा श्रमदाता तथा पार्टीका केन्द्रीय सचिव ब्रविम शेर्मा र केन्द्रीय सह–प्रवक्ता जीवन विष्ट विशेष अतिथिका रूपमा सहभागी हुनेछन्।
कार्यक्रम यही असोज ९ गते पाख्रीबास नगरपालिका–४ स्थित ह्याङआउट होटलमा बिहान ११ः३० बजेदेखि सुरु हुने आयोजकले जनाएको छ।
पार्टीले ‘प्रकृति, संस्कृति, श्रम र प्रविधि’लाई अभियानको आधारका रूपमा अघि सारेको छ। कार्यक्रममार्फत जनतासँग प्रत्यक्ष रूपमा जोडिँदै श्रम र उत्पादनसँग सम्बन्धित विषयमा छलफल तथा अन्तरक्रिया गर्ने जनाइएको छ।
