धनकुटाको यी क्षेत्रमा आज विद्युत् सेवा अवरुद्ध हुने
धनकुटा । नेपाल विद्युत् प्राधिकरण धनकुटा वितरण केन्द्रले शनिबार महालक्ष्मी नगरपालिकाका विभिन्न क्षेत्रमा विद्युत् सेवा अवरुद्ध हुने जनाएको छ।
प्राधिकरणका अनुसार शनिवार बिहान १० बजेदेखि साँझ ५ बजेसम्म ११ केभी जितपुर फिडरअन्तर्गत जितपुरदेखि आन्द्रुङतर्फ जाने विद्युत् लाइनको वरिपरि रहेका रुखका हाँगा, बाँस तथा झाडी कटान गर्ने कार्य गरिनेछ।
त्यसैगरी, विद्युत् लाइनको डिक्स र पिन बदल्ने तथा जम्पर कस्ने कामसमेत गर्नुपर्ने भएकाले महालक्ष्मी नगरपालिका–७ का लुम्ली, ढिडी, साफु, आन्द्रुङ, बडहरे, सान्नेटार, हलेदे र बैकुण्ठेलगायतका स्थानमा विद्युत् सेवा अवरुद्ध हुने प्राधिकरणले जनाएको छ।
निर्धारित समयभन्दा अगाडि नै काम सम्पन्न भएमा सोहीअनुसार विद्युत् सेवा सुचारु गरिने जानकारी दिँदै प्राधिकरणले सेवाग्राहीमा पर्न जाने असुविधाप्रति क्षमायाचना गरेको छ।
