‘सुन्तली’की आमा बनिन माओवादी केन्द्रका तर्फबाट उपमेयरको उमेद्वार, सुन्तलीले भनिन्- ‘प्रचारका लागि हिड्दैनौं’ (भिडियो रिपोर्टसहित)
काठमाडौं, बैशाख २० । चर्चित हास्यकलाकारद्धय एवं समाजसेवी सीताराम कट्टेल (धुर्मुस) र कुन्जनी घिमिरे ‘सुन्तली’ की आमा पनि स्थानीय तहको निर्वाचनमा उपमेयरको उम्मेद्वार बनेकी छिन् ।
धुर्मुसकी सासुआमा तथा सुन्तलीकी आमा सितालाई ललितपुरको गोदावरी नगरपालिकामा माओवादी केन्द्रका तर्फबाट उम्मेद्वार बनेकी हुन् । माओवादी नेता बर्षामान पुन ललितपुरबाट निर्वाचित हुँदा उनलाई जिताउन सीताले भुमिका निर्वाह गरेको र त्यस क्षेत्रमा लोकिप्रय भएकाले उपमेयरको टिकट दिएको माओवादी केन्द्र निकट उच्च स्रोतले बतायो ।
आमा चुनावी मैदानमा होमिदा नयाँ अभियानको प्रचार प्रसारका क्रममा धुर्मुस–सुन्तली भने यतिबेला जापान भ्रमणमा रहेका छन् ।
आमाको यो उम्मेद्वारी मनोनयन सँगै सामाजिक सञ्जालमा कतिपयले उम्मेद्वारी फिर्ता लिएर ज्वाइ छोरीको समाजसेवामा सहयोग गर्नुपर्ने बताएका छन् भने कतिपयले फरक विश्लेषण पनि गरेका छन् ।
https://youtu.be/mCIjVsUdnak
