धनकुटा बहुमुखी क्याम्पसका बिध्यार्थीद्वारा बुढिमोरङ्ग स्थित माविमा अतिरिक्त क्रियाकलाप सञ्चालन
धनकुटा खबर,२४ भाद्र । धनकुटाको सागुरीगढी गाउँपालिका वडा न.२ बुढिमोरङ्गमा रहेको रामनवमि माविमा आज विद्यार्थीहरुका लागी विभिन्न अतिरिक्त क्रियाकलाप सञ्चालन गरिएको छ । धनकुटा वहुमुखि क्याम्पस अभ्यास शिक्षण समुहको आयोजनामा विद्यार्थीहरुका लागी विस्कुट दौड,हाजिरिजवाफ तथा नृत्य प्रतियोगिता सम्पन्न भएको छ ।
वि.एड तेश्रो वर्षमा अध्ययनरत अभ्यास शिक्षण समुहले सञ्चालन गरेको अतिरिक्त क्रियाकलाप अन्र्तगत कक्षा १ देखि ५ सम्मका विद्यार्थी विच भएको विस्कुट दौड प्रतियोगितामा कक्षा ५ का सुस्मिता परियार प्रथम,प्रिङ्गका लिम्वु द्धितिय र कक्षा ४ का अरुणा लिम्वु तृतिय हुनुभएको छ ।
यसैगरि कक्षा ६ देखि १२ सम्मका विद्यार्थीका लागी सञ्चालन गरिएको हाजिरिजवाफ प्रतियोगितामा सोनम लिम्वुको समुह प्रथम,अर्जुन तामाङ्गको समुह द्धितिय र बावुराम घिमिरेको समुह तृतिय हुनुभएको विद्यालयका शिक्षक गिता चेम्जोङ्गले वताउनुभयो । यसैगरि नृत्यतर्फ प्रतिमा लिम्वु प्रथम,कृतिका लिम्वु द्धितिय र लक्ष्मी लिम्बु तृतिय हुनुभएको छ ।
अभ्यास शिक्षण समुहका टिम लिडर मिलनकुमार वास्तोलाको अध्यक्षतामा भएको प्रतियोगितामा विजयी विद्यार्थीहरुलाई वडा अध्यक्ष दलवहादुर ईङ्गनाम,विद्यालयका प्रध्यानाध्यापक रमेश ईवाहाङ्ग,विद्यालय व्यवस्थापन समितिका अध्यक्ष छत्रवहादुर ईङ्गनाम लगायतले पुरस्कार वितरण गर्नुभएको छ ।
