अन्तत: ओलीले मागे प्रधानमन्त्री देउवाको राजिनामा !
काठमाण्डौ, २० असोज । एमाले अध्यक्ष केपी शर्मा ओलीले प्रधानमन्त्री शेरबहादुर देउवाको राजीनामा मागेका छन् ।
फाईल फोटो
काँग्रेसभित्र माओवादी केन्द्रका मन्त्रीलाई बर्खास्त गर्न प्रधानमन्त्री देउवामाथि दबाब परिरहेका बेला ओलीले उल्टै उनको राजीनामा मागेका हुन् । देउवा सरकार अल्पमतमा परिसकेको भन्दै उनले अल्पमतको प्रधानमन्त्रीले राजीनामा नदिनु राजनीतिक बेइमानी भएको उल्लेख गरे ।
अल्पमतको सरकार चलाउनेले कम्युनिष्ट शक्तिबीचको सहकार्यलाई अधिनायकवादी भन्न नमिल्ने तर्क उनको थियो । ‘अल्पमतमा परेपछि पनि सरकारमा बसिरहनेले कम्युनिष्टहरु मिल्दा अधिनायकवादी भनेको सुहाएन’, नेपाल प्रहरीका पूर्वडिआईजी नवराज सिलवाललाई पार्टी प्रवेश गराउँदै ओलीले भने ।
उनले मुलुकमा कम्युनिष्ट शक्तिबाट अधिनायकवादको खतरा नरहेको भन्दै जनताको मन जितेर बहुमतको सरकार चलाउने उदघोष गरे । काँग्रेसप्रति कडा रुमिा प्रस्तुत भएका उनले सुकेको रुखमा मलजल गरेर काम नलाग्ने टिप्पणी गरे । – जुमएनपी ।
यो पनि हेर्नुहोस् – आजबाट म एमालेको सिपाही ! भन्दै नवराज सिलवाल एमाले मा प्रवेश !
