धनकुटाका किसानलाई उन्नत जातको मकैको बीउ बितरण गरिंदै
धनकुटा खबर, चैत ४ । जिल्ला कृषि बिकास कार्यालय धनकुटाले किसानहरुलाई २९ टन भन्दा बढी उन्नत जातको मकैको बीउ अनुदानमा बितरण शुरु गरिएको छ ।
कार्यालयले बिगत ४ बर्ष देखि केन्द्र स्तरबाट सन्चालित ‘मध्ये पहाडी बृहत्तर मकै उत्पादन कार्यक्रम’ र ‘जिल्ला स्तरीय कार्यक्रम’ अन्तर्गत २० हजार ४० रोपनी क्षेत्रफलका लागि बिभिन्न ५ जातको बीउ बितरण शुरु गरेको हो ।
चालु आर्थिक बर्षमा २४ लाख ६५ हजार ४ सय ४२ रुपैया बरावरको गणेश–१,रामपुर कम्पोजिट,मनकामना–३ र ४,देउती जातको २९ हजार ३ सय ९५ केजी मकैको बीउ बितरण गरिरहेको कार्यालयले जानकारी दिएको छ ।
केन्द्रिय कार्यक्रम अन्तर्गत जिल्लाका साविक ८ गाबिसको १४ हजार १ सय ६० रोपनी क्षेत्रफलका लागि ७५ प्रतिशत अनुदानमा बीउ उपलब्ध गराउने छ ।
तस्वीर : कार्यालयले भण्डारण गरेर राखेको मकै
उक्त गाबिस बाहेक बाँकी साबिक २ नगरपालिका सहित २० गबिसको ५ हजार ८ सय ८० रोपनी श्रेत्रफलका लागि ५० प्रतिशत अनुृदानमा किसानहरुलाई मकैको बीउ बितरण गर्ने काम भईरहेको कार्यालयका प्राबिधिक सहायक मिना कुमारी राईले जनकारी दिनुभयो ।
केन्द्रिय कार्यक्रम अन्तर्गत धनकुटाका साबिक तेलिया,मारेकटहरे,डाँडागाउँ,जीतपुर,आहाले,महाभारत,फाक्सिव र खुवाफोक गाबिसलाई प्रति केजी ८० रुपैंया पर्ने १७ लाख बरावरको २१ हजार २ सय ५० केजी बीउ बितरण गरिने छ ।
ती गाबिस बाहेक जिल्लाका बाँकी किसानहरुलाई जिल्ला स्तरीय कार्यक्रम अन्तर्गत ७ लाख ६५ हजार ४ सय ४२ रुपैया बराबरको प्रति केजी ९४ रुपैंया पर्ने ८ हजार १ सय ४५ केजी बीउ अनुदानमा बितरण गरिने छ ।
जिल्लाका ७ वटा सेवा केन्द्रबाट बितरण गरिने उक्त कार्यक्रमबाट १ हजार १ सय २६ किसानहरुलाई सेवा दिईने कार्यालयका प्रमुख भरत प्रसाद बिडारीले जानकारी दिनुभयो ।
बार्षिक १८ हजार २ सय १० हेक्टरमा ५० हजार १ सय ७९ मेट्रिक टन मकै उत्पादन हुने धनकुटामा ७ सय १८ मेट्रिक टनको रेसियोमा मकै बीउको आवस्यकता रहेको कार्यालयको तथ्यांक छ ।
