किन बेच्यो दक्षिण कोरियाले २ सय मिलियन डलरको लडाकु जहाज मात्र सयमा ?
एजेन्सी, सोल । दक्षिण कोरियाले आफ्नो चलिरहेको लडाकु समुद्री जहाज मात्र सय डलरमा बेचेको छ। राम्रोसँग चलिरहेको यो जहाजको खास मूल्य भने २ सय मिलियन डलर पर्छ। मित्र देश फिलिपिन्सका लागि उसले यति सस्तो मूल्यमा एन्टी सबमरिन वारशिप दिन लागेको हो।
यो जहाजको गति ६० किलोमिटर प्रतिघण्टा छ। यसमा डिजल इन्जिनसँगै ग्यास टर्बाइन पनि जडान गरिएको छ जसका कारण फ्युल सकिए पनि जहाज चलाउन सकिन्छ। यसको मिसाइल रेञ्ज ३ सय किलोमिटर छ। यसमा ९० जवान रहन सक्छन्। शिपको चारैतिर मेसिनगन जडान गरिएको छ।
फिलिपिन्ससँग आफ्नो नजिकको सम्बन्ध रहेका कारण दक्षिण कोरियाले यति सस्तोमा जहाज दिएको बताएको छ। यसअघि फिलिपिन्सको अहिलेको सेनालाई पनि दक्षिण कोरियाले नै धेरैजसो सामान दिएको हो। यी दुई देशहरु एक अर्कालाई महत्वपूर्ण सुरक्षा सहयोगी मान्छन्।
